स्मरण करतील जे
स्मरण करतील जे लीळा आठवूनी ।
स्मरण करतील जे लीळा आठवूनी ।
त्यासीच नेतील प्रभू सन्निधानी ॥ धृ० ॥
क्षुद्रा नदीसी सेतु बांधविता ।
गदोनायकाची जाया वस्त्रपूजा करिता ।
खडकुलीयेसी भक्ता सिमुगा शिंपवूनी ।
एळापूरासी खेळ खेळवूनी ॥१॥
एकांकी सुडा कटी प्रदेशा ।
अश्वत्थमुळी इंद्रेया प्रशंसा ।
महात्मा कुमारीयेसी खाजे देवऊनी ।
वडनेर भुजंगासी संबंध देओनी ॥२॥
अजानबाहू महदोबा म्हणति ।
देवा भटासी आलिंगण देती ।
डोमेग्रामासी पिंडस्पर्श करोनी ।
पूजावसरी हातसरे स्विकरोनी ||३||
नागाराऊळी हातकडे फेडीली ।
छाया गोपाळी बाईया दोरे ओळगविली ।
जात्यंध क्रिडे लघु प्रगट करोनी ।
राहेरी पाणिपात्र स्विकरोनी ॥४॥
पंचकौळाचार्या ग्रहनिवृत्ती ।
भांडारेकारासी बोध करीती ।
घोडाचुडी शिष्याचा त्याग करोनी ।
पटीशाळे साधासी पाणिपात्र देओनी ॥५॥
ओती सारंगपंडीता श्रीकर देणे ।
राणाईसासी डोणी बसविणे ।
देमतीसी कुष्ठ धर्म निरोपोनी ।
साष्टांगी इंद्रोबा तुळसी वाहोनी ॥ ६ ॥
गदोनायकाची पूजा स्विकार ।
छायागोपाळी बाई घाली अलंकार ।
सारंगपंडितासी तारांगुळी खेळोनी ।
महदाईसासी प्रायश्चित देओनी ॥७॥
