जगतीत नसे बा कोणी

जगतीत नसे बा कोणी,

तुजवांचुनि मोक्षदानी, प्रेमदानी ॥ धृ० ॥

सन्निधी नागदेवांनी केला प्रसन्न, चक्रपाणी ।

व्यसने सप्त त्यागौनि आग्रहे, प्रेम मागौनि ।

ज्या बळे अनुसरविले२ । स्वदास्य सदा करविले २ ।

दिधले वयन परखाणी ॥१॥ तुजवांचौनि ..

जिसी नाम असे महदंबा, ती जणू जगी जगदंबा २ ।

परमार्ग आधारस्तंभा, उपमिली की त्वा प्रारंभा२ ।

बाईसा प्रेमपद दाता २ | मंडळीकाची अघहंता २ ।

ऋषीजन्म ज्याचे स्वीकरौनि ॥२॥ तुजवांचौनि..

षड्वाक्य आचरणी ज्यांचे, ते साधक अतिदैवाचे, अतिभाग्याचे ।

मज रज न मिळे पायाचे, तिळभरही अशा पुरुषांचे२ ।

जन्म हा वृथाचि गेला । हा प्राणी जिताचि मेला २ ।

जडचेतन कुसंगाने ॥३॥ तुजवांचौनि..

परमार्थ स्वार्थ मज नाही, गुंतलो प्रपंचिक डोही २

योग्यता न जोडे काही, अपराध दिनाचे साही २ ।

तारिता कोण मज आता २ । जयताख्य विनवितो त्राता २ ।

पाही बा नेत्र उघडोनि ॥४॥ तुजवांचौनि..