मेरुवाळा तटी भोजनता

मेरुवाळा तटी भोजनता रम्य स्थळ जागा ।

आधी आरती करितो मी जेथे आसन श्रीरंगा || धृ ||

मेरुवाळाचे स्नान करुनिया शिंपणे खेळुनि ।

हो भोजन दोही देवांचे तेथे बैसोनि ।

कोल्हापुरची(गंगातिरीची) भिक्षा स्वामी येतो मागुनि 

षण्मासापर्यंत तेथे मूर्ती अवस्थानी ।

शेष श्रमला गुण वर्णिता जिव्हा दो भागा ।

आधी आरती करितो मी जेथे ... ।।1।।

जागती ज्योत पुरवी मनोरथ नवस दुरुनि येति ।

खेळणे आनि पाळणे आणुनिया किती एक वाहाति ।

मनोरथ गेले सिद्धी म्हणुनिया देउळ बांधीति ।

निपुत्रिकासि दिधले पुत्र ते मिरवत येति ।

अवसर होति वाद्य वाजति नाद जाति स्वर्गा ।

आधी आरती करितो मी जेथे ... ॥ 2 ।। 

निर्धनासि दिधली लक्ष्मी करीति पासोडे ।

पान सुपारी केळी नारळ वाहाति दूधपेढे ।

र्कपुर लवंगा चिकन सुपाÚया आणिक वेलदोडे ।

बत्तीसा पानाचे बांधति देवासाठी विडे ।

उपहार होति बसल्या पंगती आव्हानीति मार्गा ।

आधी आरती करितो मी जेथे ...॥ 3॥ 

देवाभोवती शीतल सावली निंबा वृक्षाची ।

अखंड यात्रा उतरे तेथे माझ्या स्वामींची ।

चैत्र मासी यात्रा भरते साधुसंतांची ।

रात्रं दिवस होए गर्जना श्रीदत्तनामाची ।

श्रीदत्ताचे नाम उच्चारी नको राहु उगा ।

आधी आरती करितो मी जेथे ... ।। 4 ।।

रिलोप किंकर कर जोडुनिया करितो विनंतीसि ।

स्वामी माझा पुरवी मनोरथ भेट कधी देसि ।

तुजवांचैन नाही सहोदर आहे मी परदेसी ।

तूच माझा मातापिता मज कधी उद्धरीसि ।

आता उशीर नको लावू माझ्या जिवलगा ।

आधी आरती करितो मी जेथे ... ।। 5 ।।