श्रीदत्तराज महाराज गाजतो

श्रीदत्तराज महाराज गाजतो बाजू राख माझी- 2 ।।धृ।।

दर्शन तुमचे होता मजला झाला आनंद ।

दत्तशिखरी राज्य करितो पढताति ब्रीद |

दश्यामस्कंदी स्तुति करिता श्रमले ते वेद ।

दग्ध जीवासि साकार झाला-2 स्तुती करीन तुझी ।

श्रीदत्तराज महाराज गाजतो बाजू ... ।।1।।

तनमन तुमच्या चरणी माझे लागले चित्त ।

तर्क धरी रे प्राण्या अंतरी स्मरावा दत्त ।

तरले तुमच्या नामी ऐसे बोलताति संत ।

तरला अळर्क भक्त निवाला-2  उतरली ओझी ।

श्रीदत्तराज महाराज गाजतो बाजू ... ।।2।।

राहता अवधूत वेष तुमच्या सह्यांचळी थारा ।

रात्रंदिवस ज्ञान दिधले त्या काशीश्वरा ।

रानामध्ये भेट दिधली परशुराम वीरा ।

रानी रेणुका स्थापुनि हरी हा- 2 कोरी भूमीकेसी ।

श्रीदत्तराज महाराज गाजतो बाजू ... ।।3।।

जगपर श्रेष्ठ नाम तुमचे कळले हे मज ।

जरी तुम्ही हाती धराल संकट निवारेल सहज ।

जन्मा येऊन नफा नाही अंतरले मज ।

जय जय भीऊ प्यारा बोले- 2 स्तुती करीन तुझी ।

श्रीदत्तराज महाराज गाजतो बाजू ... ।।4।।