तू श्रीदत्ता झोप घेई आता

घेई झोप प्रभु आता, हालवी अनसूया माता ।

थकले गाणे तुझे गाता, तू श्रीदत्ता झोप घेई आता 

झाली रात्र चहुकडे, कुठे ना पक्षी आता उडे ।

आला चंद्र ढगाकडे, पडले तेज चहुकडे ।

चमके नभी तारे, तू श्रीदत्ता झोप घेई आता ॥ १ ॥

तू झोपले मानव हे सारे, करोनि काम धंदा त्वरे ।

सुटले मंदगती वारे, झोपले पशुपक्षी सारे ।

झोपले बाळ स्तन पिता, तू श्रीदत्ता झोप घेई आता ॥२॥

गाति ऋषीमुनी रोज, करोनि पुष्पांची शेज ।

प्रार्थी दास कृष्णराज, करी तव चरणाची खोज ।

दिसेना कुठे मज आता, तू श्रीदत्ता झोप घेई आता ॥ ३