धूपदीप चंदन सुगंध दाउनि

धूपदीप चंदन सुगंध दाउनि ओवाळितो तुजला ।

आरती द्वारावतीकारा, आरती द्वारावतीकारा ॥धृ॥

जनकाइसाचे भाग्य आगळे, परब्रह्म हे उदरी आले ।

फलस्थपूरत्या पवित्र धामी, प्रकटसि तू चित्परा ||१|

सर्वस्वाचा त्याग करोनि मातापुरी त्या पवित्र स्थानी ।

श्रीदत्तात्रेयप्रभुंपासुनि, करी शक्ती स्वीकार ॥२॥

मातापुराहुनि गमन सारिले, द्वारावती येउनि राहिले ।

क्रीडा करुनि निशीदिनी केले, जीवांचा उद्धार ॥३॥

द्वारावतीला क्रीडे जगदानी, राज्य करितो श्रीचक्रपाणि ।

विद्यादान बावन पुरुषासि, करी स्वामी दातार ॥४॥

कार्र संपता अवताराचे, निमित्त मानुनि कामाख्याचे ।

पतित उठवी हरिपाळाचे, भरवसपूरनगरा ॥५॥

अशा करोनि अनंत लीळा, जीव उद्धरीसि स्वामी दयाळा ।

दासी मालती तव पदकमला, वंदितसे ईश्वरा ॥ ६ ॥