आरती ब्रह्मरूपा

आरती ब्रह्मरूपा, श्रीचक्रधर स्वरूपा ॥धृ॥

तुझे लागू दे ध्यान करोनि स्थिर मन ।

हृदयी साठवू दे परमानंद रूपा ॥१॥

ज्ञान प्रेमासि दिधले जीवासि उद्धरिले ।

कैवल्यसुख दिधले येथेच केली कृपा ॥२॥

देवादिकासि न कळे मायेचे झाके डोळे ।

तेथे मानव भोळे पाहाति पररूपा ॥३॥

नागदेवा स्थापुनि करी रूपासमान ।

प्रकटे ब्रह्मज्ञान जगजेठी अमुपा ॥४॥

दास चरणी लोळे ठेवोनि निजभाळ |

मागणे हेचि देवा, देई शुद्ध स्वरूपा ॥५॥

आरती ब्रह्मरूपा, श्रीचक्रधर स्वरूपा ॥धृ॥