श्रीचक्रधरा स्वामीराया आरती तुज ओवाळितो

श्रीचक्रधरा स्वामीराया आरती तुज ओवाळितो ।

पंचवाती पंचप्राण धूप आत्मा जाळितो ।। धृ ।।

गंध टीळा सर्व भावे भाळी ऊध्र्व रेखिला ।

श्रीफळासह पान पोफळ चित्त विडा वाहिला ।

वाक्पुष्पी हार गुंफून शुद्ध भावे अर्पितो ।

पंचवाती पंचप्राण धूप आत्मा जाळितो. ॥ 1 ॥ 

अनंता हे कृपाळा हे प्रभु करुणाकरा ।

तूच माझा मायपिता तूच बंधु सायरा ।

ज्ञान देउनि प्रेम देई हेचि आता मागतो ।

पंचवाती पंचप्राण धूप आत्मा जाळितो ... ।।2।।

सृष्टीचक्र हिंडता हिंडता जीव सारे भागले ।

त जीवा उद्धारण्याचे व्यसन तुज रे लागले ।

वेळोवेळी अवतरौनि तूच रे प्रतिपाळितो ।

पंचवाती पंचप्राण धूप आत्मा जाळितो ... ।।3।।

नाही आवडी नाही गोडी नाही केले पूजन ।

नाही आठवण नाही सिमरन नाही केले चिंतन |

पश्चात्ताप होई आता अश्रु कोरडे ढाळितो ।

पंचवाती पंचप्राण धूप आत्मा जाळितो ...॥ 4 ॥