भक्ती मुक्ती सुखदायक देवा

भक्ती मुक्ती सुखदायक देवा, जय नमो पंचअवतारा 

तुम्ही आरोगणा स्वीकारा, हो तुम्ही आरोगणा स्वीकारा ॥धृ

विदुरकण्यांचे भोजन केले मोठ्या प्रेमभराने ।

सुदाम पोहे आणि द्रौपदीची भाजी ती आवडीने ।

सेवन केले त्यासम आता श्रीकृष्णा अवतारा ॥१॥

राणी मदळसा नित्यदिनी घरी भिक्षा मागुनि येसि ।

आत्मऋषीची विनंती मानुनि दैनिक भोजनकरीसि

तसेच आमुच्या रूक्षान्नाची श्रीदत्तात्रेय अवतारा २

सहस्त्रभोजन विप्राचे परिपूर्णपणे स्वीकारिले ।

आणिक द्विजाचे श्राद्ध जेउनि त्यांचे पूर्वज उद्धरिले

कृपा करुनि त्यासम आता श्रीचक्रपाणि अवतारा ॥ ३॥ 

आबाइसाच्या गोड पुऱ्या तुम्ही आरोगिल्या प्रेमाने

तिकोपाध्याचे भोजन केले त्यांच्या घरी जाऊनि ।

तसेच आमुचे निर्गुण ब्रह्मा श्रीगोविंदप्रभु अवतारा

पाणीभात हा रूक्ष तरीपण स्वीकारिला बाइसाचा

बोणेबाइचा उपहार प्रतिदिनी अंगिकरिला त्यांचा ।

कृपा करुनि त्यासम देवा श्रीचक्रधर अवतारा ॥५॥

भक्ती मुक्ती सुखदायक देवा, जय नमो पंचअवतारा ।

तुम्ही आरोगणा स्वीकारा,